Wednesday, 31 August 2017

Many Languages Translator

Friday, March 23, 2018

Biography of Maharana Pratap -Panna Dhay-महाराणा प्रताप की जीवनी ---Part 1


Maharana Pratap----Maharana Pratap ka pura nam Maharana Pratap Singh hai.Yah Maharana Pratap ki Jeevani hai. Itihas me Maharana Pratap ka na Swarnaksharon me Ankit hai. Puri Indian History Maharana Pratap ke Shaurya Gathaon se bhari hai. Maharana Pratap ne Mughalon ke Chhakke chhuda diye. Har Kathi Paristhiti ka samana kiya, lekin Mughalon ke Aage Ghutane nahi Teke.
Maharana Pratap ke Jeevan charitra se hame Har kathin se kathin Paristhitiyon me Har nahi manane ki seekh milati hai.
Ayiye unake Jeevani ke bare me janate hain......

Hindi best story ki image

Maharana Pratap ka janm Disodiya vansh me 9 Mai 1540 ko Kumbhalgarh Durg me hua tha. Inaki ma ka nam Jaivanta bai Aur Pita ka nam Uday Singh tha.
Maharana kabhi bhi Nihatthe par war nahi karate the, Isiliye we hamesha do Talwar rahate the... Jisase we Dushman ko Ladane ka mauka dete the.
Unka Pran tha ki... We kabhi bhi Apane Guru, Bhagwan, Mata-Pita ke Alawa Anya kisi ke Aage Natmastak nahi honge.... Aur Unhone Apana Yah Pran Taumra nibhaya.... Unhone Dushman ke Aage Ghutane nahi Teke. Inake Swabhiman se Hamara Itihas Gaurwanvit hai.


Panna Dhay ka Balidan


Agar bat Maharana Pratap ki ki jaye to Panna Dhay ke Balidan ko kaise bhula ja sakata hai. Maharana Uday Singh ke Jeewan ki Raksha karne ke liye Panna Dhay ne Jo Amulya Balidan diya... Isase unaka nam Itihas me Swarnim Aksharon me Darj hai.

Uday Singh ke Pita Rana Ratan Singh ke Mrityuparant Uday Singh ke bade BHAi Vikramaditya ko Rajgaddi mili..... Lekin Vikramaditya ki umra Kam hone ke karan unaki dekh-rekh ka jimma Banveer ko saupa gaya... Lekin Rajgharane ki Shano-Shaukat se Banveer ka Dimag Fir gaya. Usake man me Lobh aa gaya.

Usane Yojananusar Samanto ko lalach dekar apane Paksh me Kar liya Aur jo Samant Wafadar nikale unako Maut ke Ghat utar diya gaya. Usake bad Usane Vikramaditya ki bhi Hatya Kar di... Fir Mewad ke eklaute Waris Uday Singh ki Hatya karane ke Irade se wah Unake Kamare ki Taraf badha.... Idhar is bat ki Bhanak Panna Dhay ko lag gayi.
Unhone Uday Singh ki jagah Apane Putra ko Lita diya Aur Uday Singh ki phool ki Tokari me chhipa liya.

Panna Dhay ke Putra ko Uday Singh Samajha Kar Kroor Banveer ne Panna Dhay ke samane hi Unake Putra ko Mar dala..... Ek bar sochiye us maa par kya guzari hogi.... Kitana Dard hua hoga jab usaki Akhon ke samane hi usaka beta Mrityu ko Prapt ho gaya......

Dhanya thi Panna Dhay Aur Dhanya thi unaki Kartavya nishtha... Jinhone Apane Bete ka Balidan dekar Mewad ke Waris ko bacha liya.Usake bad Panna Dhay Phoolon ki Tokari lekar Kumbhalgarh pahunchi.

Shah Depura ko Uday Singh ko Saupkar Chittod Wapas aa gayi. Uday Singh ne yahi par apani Siksha -Diksha puri ki Aur yahi par unaka Vivah hua.

Usane bad Uday Singh Banveer se apani Matribhumi ko Wapas lene ke liye Yuddh lad rahe the.... She Idhar Kumbhalgarh Durg me Pratap Singh ka janm hua.

Unake janm ke sath hi sath Uday Singh ne Banveer ko harakar Chittod par apana Adhipaty Jama liya.
Praja Khusiyan manane lagi.... Charo Taraf Harshoullas ka mahol ho gaya. Uday Singh Aur Pratap ki Jay Jaykar hone lagi. Mewad ko usaka Waris mil gaya tha.

Maharana Pratap............


Pratap bachapan se hi bahut bahadur Aur nidar the. Khel khel me Unaka Dal bana Lena Aur Lalwar se Yuddh krana logon ko Achanbhit Kar jata tha. Pratap ke Guru Acharya Ragvendra ne Pratap ko Har kshetra me Maharat Dila di.

Rana Uday Singh ne teen Sadiyan ki thi ...unaki Patniyon ka nam Jaivanta bai,

Sajja bai, Bhatiyani Dheer bai tha. Sajja ko 1st o Putra Shakti Singh Aur Sagar Singh the. Dheer bai
ke ek Putra Jagmal Singh the.


Acharya ji Charo Rajkumaro ko Siksha dete the... Aur samay samay par Pratispardha kahakar Pariksha bhi lete the.

Ek bar Aacharya ji ne Charo Rajkumaro ko Talav se kamal ka phool lane ki Kaha. Charo Rajkumar phool lane ke liye daude Aur Talav me chhalang laga di..... Sath hi PRATHAM phool kaun le jayega is bat ki hod karane lage. Isi bich Rajkumar Jagmal thak gaye Aur doobane lage. Unhe doobata dekh Pratap phool lane ka vichar tyagkar Jagamal ko kisi Tarah bachakar Talav se bahar laye.


Hindi best story ki image


Idhar Shakti Singh sabase pahale phool lekar Aacharya ke pas pahuche Aur Garv se bole "Guruji sabase pahale Mai Phool lekar aya.... so Mai jeet gaya".

Is par Aacharya ji bole ----Nahi.... Pratap tumase Aage the... Bhai ko doobata dekh, we bhai ko bachane ke liye gaye.... Jo dusaro ke Bhalai ke liye sochata hai... Wo hamesha PRATHAM hota hai. Thik hai.... Hamesha doosaron ki Bhalai Karo.
Aisi bahot sari Parikshayen Aacharya ji Rajkumaro se lete the... Taki Wo Har Kary me Daksh ho jaye.
Aise hi ek bar Jungle me Aacharya ji Rajkumaro ko Shiksha de rahe the ki ek Bagh achanak Shakti Singh ki Taraf badha... Shakti Singh buri Tarah Dar gaye.... Aur idhar Guruji kuchh Kare ki usake pahale hi Pratap ne ek Bhala Bagh ke seene me gada diya... Bagh wahi nidhal hokar gir gaya..... Pratap ne Bahaduri ka ek Aur Parichay diya.

Maharana ka pahali bar yuddh me bhag Lena......

Ek bar Uday Singh ne Rajya vistar ke liye Afganiyon par Akraman karane ka nirnay liya.... Wah Rajkumaro ko isame Shamil nahi karana chahate the .so we Rajkumaro ko kisi Surakshit sthan par bhejane ka nirnay liya.... Lekin Pratap jaisa veer yoddha yah kaise dekh sakata tha.... So we apane Pita ki Aadesh ke bagair hi Yuddh me Shamil ho gaye. Us samay Pratap ki umra Matra 13 sal ki thi.
Is umra me Unhone Yuddh Kshetra me Gazab ka Sahas dikhaya. Yah yuddh bahot hi mushkil se Uday Singh jeet paye. Jab unhe pata laga ki is Jeet me Pratap ka bahot bada Yogdan hai... To we Khushi se Phoole nahi samaye... Aur Pratap ko gale se laga liya.


Jagamal ka Mewad ka Rana banana......


Jis samay Pratap 14 varsh ke the tab Muhammad Jalaluddin Akabar Dilli ki Rajdhani par baitha..... Chunki usaki Umra Kam thi to wah Bairam Khan ke sanrakshan me tha.

Pure Mughalon ki Nigah Rajputane ko jeetane ki thi to Akabar kaise shant rah sakata tha.
Usaka sanrakshan Bairam Khan bahot hi Wafadar tha. Akabar ne Raja banate hi Rajputo par dabav banana shuru Kar diya.... Bahot badi sankhya me Rajputo ne Akabar se Sandhi Kar li.

Jab yah Prastav Uday Singh ke pas aya to Unhone Ise Sire se Khariz Kar diya... Jispar Akabar bahot badi Sena lekar Chittod ko charo Taraf se Gher liya... Isake bavjood Mughal Sena Chittod ke andar ghus nahi payi... Kyouki Chittod ka kila sabase Bada Aur Majboot mana jata hai.

6 mahine tak Mughal Sena Gherabandi Kar Datee rahi.... Aur Uday Singh Aur Chittod ki Sena me bahut hi Bahaduri se Mughalon ki bahut badi Sena ka samana kiya..... Lekin Gherabandi ki wajah se Rashan Pani band hone Aur Bahar se kuchh na aa pane ke karan Vivash hokar Uday Singh ki samast Pariwar ke sath Chittod Chhodana pada.... Unhone Khoobsurat Sthal Udaypur ko Rajdhani banaya Aur wahi rahane lage.

Idhar jab Unhone Chittod chhoda to Mughal Sena me Chittod me Harakar macha diya.... Rapooton ke Ghat jala diye gaye... Tamam Masoomon ki Hatya Kar di gayi.... Rajputaniyo ne Jauhar Kar liya.... Is Ghatana ne Uday Singh ko buri Tarah Jhakjhor diya.


Hindi best story ki image


Uday Singh bahot hi kamjor ho gaye the. We Pratap ko Rajya ka Prabhar Saup Dena chahate the... We is Kartavya ko jald se jald poora karana chahate the... Kyoki unhe yah pahale se Abhas tha ki Chhoti Rani Jagamal ko Raja banawana chahati hain.

Ek din Chhoti Rani ne Uday Singh se yah Ichchha vyakt ki.... Parantu Uday Singh Pratap ko Raja banana chahate the... Lekin Rani ne Unhe is prakar Gher liya ki wah kuchh na Kar sake.... Antatah Pareshan hokar unhe Jagamal ko Uttaradhikari Ghosit karana pada... Jagamal ke Uttaradhikari Ghosit karane ke Kuchh hi Dino ke bad Uday Singh Swarg ko Prasthan Kar gaye.

Lekin Jagamal ka Mewad ka Uttaradhikari banana kisi ko Ras nahi aya... Har koi Uday Singh ki Alochana karane laga... Lekin Pratap ne Isaka Tanik bhi Virodh nahi kiya... Varan Jagamal ke Mewad ka Raja banane par Khushi vyakt ki .

Mewad ki Praja, Samanto Tatha Sena ke Virodh ko dekhate huye Pratap ne logon ko Samajha bujha Kar Shant karaya... Ki yah samay Apas me Ladane ka nahi hai... Balki sath milakar rahane ka hai.
Dushman hamari Har kamajoriyo par najar jamaye huye hai... Atah Hame Savdhan rahane ki Avashyakata hai.

Rani Bhatiyani Pratap ke Shaurya Aur unaka Samanto Aur Janata par Prabhav se bhali bhanti Parichit thin... So Wo hamesha Jagamal ko Pratap se door rahane ki salah deti thi. Wah Pratap ko Jagmal ke nirnayo me Dakhal dene se rok deti thi.

Jagamal ko Chunki Shashan chalane ka thoda bhi Gyan na usapar wah Chaploos Samanto se Ghir gaya tha.... Jisase usane bahot sari aise nirnay liye Jisaka Praja par Pratikool asar gaya.... Aur wah kewal blog vilas me dooba raha.... Janata ke Ulahane Aur Samanto ke kahane par Pratap usake pas gaye.... Jahan par Usane Pratap ka bahut Apaman kiya..... Aur unhe Mewad ki seema se bahar chale Jane ko kah diya.... Arthat Rajyanikala ka Adesh de diya.

Pratap ek Swabhimani Rajpoot the... We Rajya se bahar Jane ko taiyar Ho gaye... Yah bat pure Mewad me Jungle ki Aag ki Tarah fail gayi... Sari Praja Aur bahot sare Samant Jagmal ke Viruddh Ho gaye.... Unaka kahana tha ki Pratap ka Apaman matalab Mewad ki Praja ka Apaman Aur yah Apaman Mewad ki Praja nahi sahegi.


Pratap ka Maharana banana........


Pratap ke Rajyanikala ki khabar se Rajya ke log hairan rah gaye.... Praja Akroshit ho gayi... Jagmal Bhale hi Raja tha... Lekin logo ke Dilon me Pratap RAJ karate the. Pratap Sam Insan ki Tarah Praja ki Sena karate the. Praja Aur Pratap ke beech unaka Rajkumar hona kabhi bhi Diwar nahi bana.... Aise Pratap ke Nirvasit karane ke Adesh ka Ghor Virodh hone laga.

Pratap ke Mama Jhalawad ke Naresh is Faisale se bahot Akroshit the. Jab Mewad ke kai sare Samanto ne unake samane apana akrosh jahir kiya tab Unhone Kaha..... Han Jagamal ko Rajgaddi se hataya jayega.

Usake bad Samant jab Jhalawad se Udaypur ki Taraf Prasthan kiye......Udaypur pahonchane par Waha ki Praja ne Samanto se apani fariyad ki.... Tab Sabhi Samanto ne ek Swar me Kaha ki Pratap ko Raja banaya jayega.... Itane me sadharan aam logon ki Tarah Vesh-bhoosha dharan kiye Pratap najar aye.... Logon ko yah samjhate der nahi lagi ki Pratap Rajya chhodkar ja rahe hain.


Logon ne unaka rasta rok liya.... Samanto ke Sardar Chundawat Krishna ne Pratap se Kaha ki Aap Kaha ja rahe hain... Rajya ko Apako jarurat hai.... Apako Satta sambhalani hai.
Is par Pratap ne Kaha ki.... Nahi... Jagamal mera Bhai hai.... Mai usake Khilaf Vidroh Karun.... Yah Kaha ka Nyay hai.

Us par Saradar bole.... Ki agar Aap Wapas nahi aye to Praja swatah Vidroh Kar degi.....Aapko Wapas Aana hi hoga.... Kya Apko nahi pata ki Dushman bas Mauke ke talash me hai.
Logon ke Aagrah Aur Pyar Aur sath hi Udaypur ki Suraksha ko dhyan me Rakhkar we sochane par Majboor Ho gaye ki... Han mai Galat Kar raha hu.... Yah unaki Matribhumi se Gaddari hogi.... Jagamal Satta nahi sambhal sakata.... Dushaman Akraman me tanik bhi deri nahi karega...... Phir Pratap ne Kaha Thik hai... Aur Wapas Udaypur ki Taraf Chal pade.


Pratap ke Nirvasan se Jagamal Nishchint Ho chuka tha. Lalachi Samant bhi Nirvighn Rajya ko Khokhala Kar rahe the....ki agale din ki Sabha me Chundawat Krishna dhaddhadate huye pahuche Aur Singh Garjana karate huye bole..... Bas Jagamal... Ab Sinhasan chhod do....
Unake itana kahate hi Jagmal krodh me bharakar Kaha..... Saradar... Aap hosh me hain.... Aap Raja ko Adesh de rahe hain.... Mai abhi apako usaki Saza deta hu... Sainiko pakada lo Ise.....Lekin Sainiko ki Najar tak uapar nahi Uthi....pakadana to bahot door ki bat hai.... Yah Dekhakar Jagmal Aur usake Lalachi Samant Bhauchakke rah gaye.... Satta Pariwartan ho chuka tha.


Yah Dekhakar Jagamal turant apani Talawar myan se nikalkar Pratap ko lalkara.... Nikalo Pratap Talawar... Yahi Faisala Ho jaye....
Pratap ka hath Talawar par gaya... Lekin wah Chundawat ki wor dekhe... Jaise kah rahe hon ki... Bhai..bhai se Yuddh karke Sinhasan Prapt karega to Itihas Hame kabhi bhi maf nahi karega.... Chundawat ne ishare ko samjhate huye... Samanto se Kaha ki Apani apani Talware nikalkar Jagamal ko yah Ehsas Kara do ki Satta Pariwartan Ho chuka hai... Itana sunte hi Samanto ne Talware nikal lin.... Itane me Jagmal ne Gusse me Chundawat par Hamala Kar diya... Lekin Chundawat pahale se taiyar the... Unhone ek hi war me Usaki Talwar Tod di Aur Fir Sainiko ne use pakada liya.
Chundawat ne swayam Pratap ka Rajtilak kiya.... Phir Maharana Pratap ki Jay Jaykar se poori Sabha Gunjayman Ho uthi.... Jaise Hindi yah khabar Praja ko mili ki Pratap Raja ban gaye... Log Utsaw manane lage.


Chundawat Krishna ne Pratap se Kaha... He Maharana Chittod aaj Mughalon ke Aadheen hai... Hame use Aazad karana hai... Mughalon ne Jo Atyachar kiye hai usaka Badala Lena hai.... Yah Mukut Mewad ki laj hai... Yah Sinhasan Ek Chunauti hai.


Is par Pratap ne Kaha... Mai apane Matribhumi Aur Swabhiman ke liye Sarvswa Nyochhawar Kar durga.... Rajpoot Aan-Ban-Shan ko kabhi Kalankit nahi hone dunga... Yah Pratap kabhi bhi Dushman ke Aage Sar Nahi Jhukayega... Yah Vada hai.... Jab tak Mewad ki Bhoomi par Dushman ka Kabza rahega... Mai kabhi bhi Rajasi Sukh nahi bhogunga.... Har pal... Har samay bas ek hi Lakshya rahega.... Mewad ki Aazadi.


Ham sab Maharana ke sath ki Dhwani se Sabha Gunjit Ho gayi.
Tab Rajguru ne Kaha.... He Pratap Aaj sach me Rajya ko usaka Raja mil gaya.... Is Lalkar ko sunane ke liye Kan taras gaye the.... Dushman ke Har Pap ka Badala Talwar ki Dear se liya jayega... Ab khoon ki Nadiyan bahengi.... Dushman Savdhan
Jaya Swadesh... Jay Matribhumi... Jay Mewad
Idhar Rajputana Do khemo me bat gaya... Ek Matribhumi se Pyar karane wala to Doosara Bhog Vilas karane wala Jagmal ke Paksh ka.


Haldee Ghatee ki Ladai........


Maharana Pratap ke Raja banane par tamam Rajpoot Yoddha Yuddh ki taiyariyo me jut gaye... Arany Kshetra ko Yuddhabhyas ja Kendra banaya gaya....sabhi Veer Waha Yuddhabhyas ke liye jate.... Waha Pratap.... Shakti Singh... Rajguru....anya log bhi jaate the
Ek bar Pratap Aur Shakti Singh Shikar ke liye Jungle me gaye.... Waha par unhe Varahon ka Jhund Dikha... Dono Bhaiyo ne ek sath Bhala fenka.... Ek Bhala to tejee se Varah ko Dhans gaya aur Varah vahi Mar gaya lekin Doosara Bhala Nishane par nahi laga.


Jab dono bhai Shikar ke pas aye to Sikar ko gira Dekh Shakti Singh Chahak kar bole ki Bhaiya dekho mera Nishana Kitana Sateek tha.... Varah vahi Dher Ho gaya.... Yeh baat Pratap ko thodi Nagwar guzari.... Wo bole Shakti yah Bhala mera hai Aur is Bhale ke teekhepan ki wajah se yah Varah Mara.
Is par Shakti Singh Naraj Ho gaye... Unhone Kaha ki.. Mai Apase thoda bhi Taqat me Kam nahi hu.... .Mai bhi Rajpoot hun... Rajpoot kabhi Jhooth sahan nahi Kar sakata.


Is par Pratap unhe sambhalate huye bole ki.... Aisi baat nahi hai Shakti ....tum veer Ho isame koi Shaq nahi hai. Mai to kewal tumhe Satya ka Bodh Kara raha tha.
Is par Shakti bhadak Kar bole ki mujhe Satya ka Bodh na karaye .....Satya -Jhooth Mai Bakhoobi samajhata hu. Yah Shikar mera hai... Mai Ise loonga.... Mujhe Jagamal mat samjhiye....
Is par Pratap krodhit Swar me bole.... Bas Shakti... Bahot hi gaya.... Mai chupchap sun raha hu To isaka matalab yah nahi ki Tum kuch bhi anap-sanap bolate chale jao.

Shakti Singh bhi bahot krodh me the... Unhone Talawar nikal li Aur Pratap ko Lalkar Kar Kaha ki nikaliye Talwar...
Kariye yuddh mujhase.... Jo Jeet jayega... Shikar usaka...... Pratap ne bhi Talawar nikal li.... Kyoki agar wah Talawar nahi nikalate to yah ek Raja ka Apman hota.... Dono Bhaiyo me Bhayankar Yuddh chhid gaya.... Dono ek doosare ke Khoon ke pyase lag rahe the.... Kahi se bhi unaka Yuddh Dekhakar nahi lag raha tha ki we dono Bhai hain.

Jhanshi ki Rani Laxmibai biography essay in hindi

Talawaron ke Takarahat se Mahaul bahot hi Bhayanak Ho gaya tha.... Koi bhi unhe Chhodane ki Himmat nahi Kar pa raha tha..... Isi beech Acharya ji aa pahuche.... Unhone dono ko ladata dekh Shant karane ka Prayas kiya ki isi beech Shakti dwara Pratap par kiya gaya Ghatak war Aacharya ji ko lag gaya.... Aur we wahi Gir pade.... Unhe girata dekh Dono Bhai Talwar phenk Kar unaki Taraf daude.... Pratap ne Aacharya ka sir apani jangho par rakh unhe sambhalane ka prayas kiya lekin kuchh hi der me Aacharya ji ko Aankhe band Ho gayi... We chir nidra me leen Ho gaye.


Hindi best story ki image


Is Ghatana ke Pratap Shakti Singh par bahot Kruddh huye.... Unhone Shakti ko Rajya se Nirvasit Kar diya... Aur Aacharya ji ka pure Samman ke sath Antim Sansakar kiya.

Is Ghatana ke bad Pratap ne sabhi Samanto Yoddhao ki sabha bulai... Usame Udaypur tyagkar Kumalmer ko Nayi Rajdhani banane ki Ghoshana ki gai... Kyoki Kumalmer Poori Tarah Pahadi me basi thi... Jaha par Dushman ka Hamala Kar pana kathin tha.. Aur Bachav Kar pana Asan... Kyoki Mughal Samrajya ka Jis Tarah se Vistar ho raha tha.. Kabhi bhi Ladai ko gunjais thi.
Jansahyog se Kumalmer me ek Vishal Aur majboot Kile ka nirman kiya gaya... Isame sabhi logon ne Tan-Man-Dhan se sahyog kiya.


Idhar Jagmal Pratap dwara lakh samjhane Aur Pratishtha Samman dene ke bavjood khud ko apmanit samjhata raha Aur Rajdhani chhodkar Jahajpur chala gaya ....jo ki AJAMER ke Subedar ke Adheen thi Aur Usane hi usake rahane ki vyavastha karai thi.

Biography of Bhagat Singh in hindi


Kuch Dino ke bad Jagmal Akabar se mila... Chunki Akabar sadaiv phoot dalo RAJ Karo ki Rananiti par Kam karata tha... To use yah jaankar bahot prasnnata hui ki Jagamal Udaypur chhodkar aya hai Aur Pratap ka bhai hai. Wah Rajpooto ke Shaurya se Parichit Ho chuka tha.... Usane Jagmal ka Swagat karate huye Jahajpur ka Parana de diya...

Isi beech ek Rajya Sirohi ko lekar Dewada Surtan Aur Dewada beeja me than gayi... We dono is Masale ko lekar Akabar ke Darbar me gaye.... Jahan par Ray Singh ne unaki beaten suni Aur ek Shart par Surtan ka Paksh liya ki wah Adha Rajya Akabar ko de de. Surtan taiyar Ho gaya... Aur Akabar ne Sirohi ko Jagamal ko saup diya... Jis par Surtan bahot krodhit hua... Lekin wah kuchh Kar nahi sakata tha to wah Aaboo chala gaya ....

For Sena sangthit Kar Surtan ne Jagmal par Hamala Kar diya... Is Ladai me Jagmal Mara gaya... Saath hi Ray Singh bhi Mrityu ko Prapt Ho gaya.... Akabar ki neeti safal Ho gaye do Rajpoot veer khatm Ho gaye.

Rajpooton me nahi sabase badi kami thi... We Aatmswabhiman Aur Ahan par aa jate the..... We sare Rajpoot samaj ke Swabhiman ke bare nahi sochate the.... Jisaka phayada Akabar ne bakhoobi uthaya. Usane kuchh Nirnay lekar Hindu Aur Musalmano me Samnvay Sthapit kiya.

Idhar isi Aatmswabhiman Aur Ahan se Grasit hokar Shakti Singh bhi Akabar ke Sharan me as gaya .....Aur Usane Rajya ki Saree kariyon Aur Khoobion ko bata diya.
Akabar ne apane sabase Vishwashpatra Senapati Maan Singh Jo ki Jodha Bai Jisaka Vivah Akabar se hua tha ka Bhai tha.... Use vichar vimarsh ke liye bulaya. Waha Usane kisi Tarah baat cheet ke zariye Pratap ke SAMRAJYA ko Dilli ki Saltanat me milane ke liye razi Kar liya..... Kyoki use pata tha ki Har bar Hamala karke Kabja karane se usake sath me rahane Wale Rajpoot Raja bhi krodhit ho sakate hain.

Ek din Man Singh ne apana Sandesh Pratap tak bhijwaya ki we Pratap se Milana chahate hain....Pratap ne is Sandesh ko swikar Kar liya Aur swayam Sasamman Maan Singh ki Rajdhani le aaye.

Chunki Pratap apane Vachananusar Rajasi sunkhon ko Tyag Kar Tapaswi Jeewan ki rahe the.... Usake bavjood Maan Singh ki Some ki Thali me Bhojan parosa gaya.Raja ke Bete Amar Singh ne Swayam Bhojan ki Vyavastha karayi Aur Bhojan Prarambh karane ka Nivedan kiya.... Jis par Maan Singh ne puchha ki abhi tak Sapane Pitashree nahi aaye kya Wo mere Sath Bhojan nahi karenge.....is par Amar Singh ne Najare Jhuka lin.... Unhone Kaha ki kisi Karan bas we yaha nahi aa sakate.... Unhone mujhe Kaha hai ki Raja Sahab ko Aadar purvak Bhojan karaya jaye.... Is par Maan Singh Krodhit ho gaye Aur chillate huye bole..... Yah kaise Aadar hai... Yah mera Apaman hai.... Mai Pratap se is Aapaman ka Badala lunga....Mere Saath Jo Vyavhar kiya gaya hai kya yah Rajputo ko Shobha deta hai.


Thik usi samay Pratap Sapane Sardaron ke Saath Waha aa pahuche.... Unhone Kaha ki.... Raajputon ko kya Shobha deta hai Aur kya nahi Aap kab se Tay karane lag gaye Maharaj.... Aapane to khud Apani Bahan ki Shadi Akabar se karana Raajputi Shaan ko Giravi rakh diya hai..... Aap Samman ki bat Karaten hai... Apake Samane hi Akabar ne tamam Rajyo ko loota... Tamam Rajputon ko Mara... Kitani Rajputaniyo ne Jauhar Kar liya... Phir bhee Aap Rajputi samman ki baat karate hain ....Mai Aapke Saath Bhojan karana Sapani Pratishtha ke Khilaf samjhata hun.


Bas Pratap ab ek Shabd nahi.... Kya Tumhe nahi pata Ham ek Kshan me Tumhare is SAMRAJYA ko Mitti me mila sakate hain ------Maan Singh chillate huye bola
Pata hai Maan Singh... Aap Aur Kar bhi kya sakate hain... Aur kiye bhi kya hain.... Phir bhi Aap is Bahkave me mat rahiye.... Yah Raajput veeron ka SAMRAJYA hai. Sapane Pratyek Prahar ka usase Ghatak war se Uttar diya jayega. ------Pratap ne Joshile Shabdon me Kaha
Thik hai Pratap... Fir Yuddhbhumi me milate hain... Tumhare is Apman ka Badala wahi loonga  kahkar Maan Singh Ghode par Sawar Ho chala gaya.


Maan Singh Dilli pahunchkar Akabar ko yah bat batai.... Akabar to yahi chahata tha... Usane Maan Singh ki Yuddh ki ijajat de di Aur Fir Shakti Singh ki bulawa bheja.... Shakti ke Aane par Usane Kaha ki Tumhare Badala lene ka samay aa gaya hai.... Tumhare Bhai ne Maan Singh ka Ghor Apman kiya hai... Ab jao Aur apane taqat ka Parichay karao.


Yuddh ki Rananiti banane lagi... Shakti ne Pratap ki Sena me sare RAJ khol diye.... Ki Pratap ke Sena me Rajputo ke sath sath Badi Sankhya me Bheel hain.. Jo ki Achanak se hamala karate hain.
Rananiti ke Akabar ne apane Putra ko Sena ki kaman di... Chunki wah Rajpooto ke Mizaz ko achhchhi Tarah samjh chuka tha. Use pata tha ki Maan Singh Jo ki kai Ladaiya jeet chunke hai Fir bhi unhe yah Pad dena Shakti ko Nagwar gujarega... Fir badi pareshani Ho sakati hai.... Jo Usane chalaki se Saleem ko Senapati bana diya.


5000 behtareen Sainiko ke sath Saleem 3 April 1576 ko Mandalgarh pahucha.... Jisame Maan Singh, Shakti Singh, Gazi Khan, Khwaza Giyasuddin, Aasaf kha aadi the... Idhar sutro se Pratap ko jankari hui ki Mughal Sena Mandalgarh pahunch chuki Hai ....to Yojananusar Kumbhalgarh me unake pahuchane par Hamala karane ko taiyari ki gayi.... Pratap ke sath Jhalaman, Chundawat Krishna, Ramdas Rathod, Ramshah Tomar, Hakim kha Jaise Veer yoddha the.


June maheene me Barish ke aarambh hone par Mughal Sena me Kumbhalgarh ko Charo Taraf se gher liya. Kumbhalgarh bahut hi bada Kila hai, Mughalon ki yojana Kile ko gherkar Rasad Rokane ki thi.... Mughalon ke pas ek badi Sena ke sath sath us samay ke  Adhunik Hathiyar bhi the... Jisame Toppen bhi thi.... Jabaki Rajputi Sena me Adhunik Hathiyar na ke barabar the... Unake pas ek bhi Top nahi thi... Lekin Rajputi Sena ka Sahas unase bahut jyada tha.


Pratap ne Kumbhalgarh kile ke Burj se Mughal Sena ka Nirikshan kiya... Usake Bad we apani Sena ko sambodhit karate huye bole..... He Veer Sainiko... Ab Mewad ki Aan-Ban-Shan apake hathon me hai.... Dushman ne Hame Andhere ki Tarah gher liya hai... Ham sab ko is Andhere ko Nasht karana hai.... Ya Aitihasik samaya hai.... Mughal Sena ki Bagdoor Akabar ke Putra Saleem ke hathon me hai... Aur Do Gaddar Rajpoot usaka Margdarshan ka rahe hai.....itihas inhe kabhi maf nahi karega.... Isame ek hamare sab ke beech ka hai.... Use hamare bahot se RAJ pata hai... Usane us RAJ ko unhe jaroor bataya hoga..... Par yah Rajpooto ki Dharati hai Jo Apani Bhujao ke bal par Dushman ko Mar girane ka Dam rahate hain..... He veero Hame Mughalon ki harana hi hota.... Ek ek Veer Saikadon Mughalon ka Khoon bahayenge.... Taiyar Ho jao Veer Sainiko....... Jay Rajputana...
Charo Taraf se Udghosh hua.... Jay Rajputana


Idhar Saleem jald Akraman Kar Yuddh khatm karana chahata tha.... Lekin Shakti ke dwara saare RAJ bata dene ke bad Maan Singh chaukanna ho gaya tha... Wah Hamale se mana Kar raha tha lekin isi beech Saleem ne Hamale ka Aadesh de diya..... Pahadon ki sanrachana ke hisab se ek bar me ek se jyada sainik andar nahi ja sakate the... Jaise Hindi hamala hua, Rajputon ne Mughal sainiko ko Gajar Mulee ko Tarah karana shuru Kar diya... Jis par Saleem ko peeche hatana pada... Usane yuddh rok diya.


Fir Shakti Singh ke banaye anusar Mughal Sena Pahadi ke raste se Aage badhi to Pratap ko yah samjhate der nahi lagi ki yah rasta Jisane dikhaya hai....
Ab Rana ne Aage bandhkar hamala karane ka nirnay liya... Pahale hi Hamale me Mughalon ke Chhakke Chhoot gaye.... Dono Taraf se Vyuh Rachana ki gayi thi.... Mughal kheme me Maan Singh ke Charo Taraf Gazi Khan, Jagnnath Kachava, Giyasuddin Jaise yoddha the, to Pratap ke Agal Bagal Ramshah Tomar, Ramdas Rathod Aadi the.


Jab Chuna-e-harwal Namak Vikhyat Mughal Yoddha Jo ki yuddh ko sanchalit Kar raha tha ne dekha ki Rajpoot Mughalon par bhari pad rahe hain... To Usane Top chalane ka Aadesh de diya.... Top ka Rajpooto ke pas koi javab nahi tha.... Rajpoot Veeron ki Lashes kirane lagi... Topon ke samane Talwar, Bhala kis Kam ke the.


Dekhate hi dekhate Drishya badal gaya.... Lekin Fir Achanak se Rajpooto ne Dogune Sahas se Palatwar kiya Aur Mughalon Sena me afara tafari macha di... Itani badi Mughal Sena hone par bhi Rajpoot Mughalon par bhari pad rahe the... Do din ke Yuddh ke bad bhi Nateeja kuchh nahi likala....
Agale din Pratap ne Maan Singh par Hamale ki yojana banayi. Saikadon Mughal Sainiko ke Dhad katate huye We Maan Singh tak pahuche... Tab tak unake lagabhag sare sahayak Sainik mare ja chuke the... We Akele hi Dushman Sena me the Aur Maan Singh ke Charo Taraf Sainiko ka jamawada tha.
Pratap bahot teji se Dushman Sena ko cheerate huye Maan Singh ki Taraf badhe,jo ki Hathi par Suraksha kawach me baitha tha... Maharana ne Chetak ko ishara kiya.... Chetak ishara Samajha kar Hathi ke samane se Uchhalakar Aage badha.... Lekin Hathi ke Sund me lagi Talwar se Chetak ka pair ghayal ho gaya... Jise Pratap dekh nahi paye... Usi samay Pratap ne Bhala Maan Singh ki Taraf fenka... Lekin Chetak ghayal hone he karan utani Uchhal nahi le paya....So Pratap ka Nishana chuk gaya... Bhala Mahawat ko cheerate huye Maan Singh ke Suraksha Kawach me ja takraya.... Maan Singh Kawach me chhipane ke karan Bach gaya.... Tab tak bahot saare Mughal sainiko ne Pratap par hamala Kar diya.


Itane saare Sainiko ke Hamale Aur Sahayak Sainiko ke maare Jane ke karan Maharana Sankat me fans gaye.... Unhe Sankat me fansa dekh unake Mama ne Jhat se apana Ghoda Pratap ki wor mudaya Aur unaka Mukut Swayam pahan Ladane lage Aur unhe Matribhumi ki Saugandh dete huye Yuddhbhumi se chale Jane ko kah diya..... Maharana ne Isaka Virodh kiya... Lekin unake Mama ke Saath Mauzood Anya Yoddhaon Aur Sainiko ne bhi Un par  dabav banaya... So. We Yuddhbhumi se bahar ki Taraf nikale.... Chetak Pratap ke Har ishare ko samjhata tha... Wo unhe Yuddhbhumi se bahot door le aya.... Idhar Pratap ka Mukut pahanane ke karan Mughal Sainiko ne Pratap ke Mama ko Pratap samajh un par Behad Jordar hamala kiya.... Wah kafi der tak lade...Aakhir me we buri Tarah Ghayal ko gir pade... Unake girate Rajpoot Sainiko me Hahakar mach gaya.


Idhar Shakti ne Pratap ko Yuddhbhumi se bahar jate dekh liya tha... Usane yah bhi dekha ki kaise unake Mama ne apani Jaan dekar unaki Jaan Bachai... Use bahot pachhtawa hone laga... Yah San usi ke karan hua... Agar Usane RAJ nahi bataye hote to yah Naubat nahi aati... Yah sochkar wah Dravit ho gaya.


Shakti Singh ka Hriday Pariwartan ho chuka tha. Wah Ghoda lekar udhar ko chal pada jidhar Chetak gaya tha... Idhar Saleem ne Ghoshana Kar di ki Pratap Yuddhbhumi se Bahar chale gaye... To do Sainik unhe pakadane ke liye rawana ho gaye.


Pair me chot lagane Aur bahot Khoon bah Jane ke karan Chetak ki Chal dhimi ho gayi thi. Achanak se Pratap ko Tapon ki Awaz sunayi di. Pratap ne dekha ki do Mughal Sainik teji se unaki Taraf badh rahe hain.... Yah dekh Chetak bhi Tejee se bhaga.... Isi beech ek Nala aa gaya jisaki Lambai 27 foot hai.... Chetak ne apani Jaan ki parwah kiye bagair chhalang laga di... Lekin wah Fir kabhi Uth na saka.... Apane Swami ke Prano ki Raksha karate huye Usane apane Pran Tyag diye Aur Sada ke liye Amar Ho gaya........Maharana Pratap ki Biography ka dusara Part Padhane ke liye Yaha Click karen.

Biography of Maharana Pratap -Part 2

GUEST POST

Hello doston...Mai ABHISHEK PANDEY is HINDI BEST STORY hindi blog men aapaka SWAGAT karata hun. Agar aap men se kisi ko bhi GUEST POST likhana hai to mujhase SAMPARK kare. NIYAM AUR SHARTEN>>>>> Guest Post kahin par bhi PUBLISH na ki gayi ho. 2-Yah HINDI men honi chahiye...Aap Angreji Word ka prayog kar sakate hain. 3- Isamen koi bhi Vayask Samagri nahin honi chahiye. IS ID PAR APANI KAHANI BHEJ SAKATEE HAIN>>>KOSHISH KAREN KI WAH pdf FILE NA HO. [email protected] [email protected] THANK YOU

Contact Form

Name

Email *

Message *

Featured Post

Phool...hindi kahani

Recent Post

Subscribe Here

Subscribe to my Newsletter